நாளை நம் சந்ததி சுதந்திரமாய் வாழ-ஓர் நாடு கிடைக்குமா?

தாய் பிறந்த மண்..நான் பிறந்த மண்..
நீ வாழ்ந்த மண்..
தந்தை நடந்த மண் அனைத்தும்-விசர்
நாய் படுக்கும் மஞ்சமாய்
நாறிக் கிடக்கும்போது..
நீ படுத்து ஓய்வெடுக்கும்
நேரமல்ல இது நண்பா!

நாம் படுத்தால்..நாளை நம்
சந்ததி சுதந்திரமாய் வாழ-ஓர்
நாடு கிடைக்குமா?..இன்று
பேய் நடக்கும் மண்ணாய் நம்மண்
பாழடைந்து கிடக்கிறதே..பார்!

ஒவ்வொரு அங்குல நிலத்தையும் மீட்க
ஓர் புலியின் உயிரைக் கொடுத்தவர்கள் நாம்..
வேர் விட்டு வளர ஆலமரம் துடிக்கிறது..
விழி திறந்து விடுதலையைப் பார்க்க- மீண்டும்
எம்நிலம் விரும்புகிறது…இந்நிலையில்
எப்படி நமக்கு ஓய்வு கிடைக்கும்?
எண்ணிப் பார்!

ஈழமலர் செய்திக்காக ஈழக்குழந்தை

(www.eelamalar.com)